لي متى

مابدر شي مني لي متى هالبعاد
انت شاللي جرالك صرت تزعل كثير
منت طايق كلامي كل كلامك عناد
يعني ذنبي احبك ولا ذنبي اغير

ودي ترضى وتنسى هالحزن والسهاد
وان بدت مني غلطه خلك انته الكبير
ياما قلبك جرحني لين عفت الرقاد 
بس انا يوم اشوفك انسى كل شي يصير

وينه اللي اعرفه وين ذاك الوداد 

ولا هالدنيا يعني لو زعلنا تطير
تدري بعدك ياغالي وشكثر همي زاد
شفت هالكون كله بعدك انته صغير

بس عموما ياروحي اقولك وداد
هذا قلبي تفداك كلمته فالاخير
لو حصل مني حاجه تستحق البعاد
هذا راسك وحبه وانا اسف كثير

شي ثاني

كنت أشوفك شي ثاني

شي غير فهالوجود

شي غيّر لي كياني

كسّر قيود و حدود

شلتك بعيني أماني

فجر وطيور و ورود

رحلة آخرها مواني

كل من سافر يعود

جيتني عكس الثواني

جيتني عكس الوعود

قلت لي إني أناني

جيتني عناد و صدود

اشتكى عذري بكاني

كذّب لساني الردود 

جيت مع باقي حناني

ما لقيت إلا الجحود

شفت إنك ما تباني

صابني منك جمود

آه يا قسوة زماني

ليش نكران العهود

الله ما أكبر غلاك

الله ما أكبر غلاك
ينبض بحبك فؤادي
من يشبهك يا ملاك
من يشبهك يا ودادي
إنت بشر غير عادي
فيك الجمال العجيب 

رهيب والله رهيب 

جمعت حلو المحاسن
وش هو القمر والغزال؟
حبك في هالقلب ساكن
وصفه تعدى الخيال
القمر عندك رمادي
وانت البعيد القريب 

تشتاق لي في غيابي
شوق الندى للزهور
واشتاق لك يا عذابي
في غيبتك والحضور
انت مناي ومرادي
فيك الرجا والنصيب 

تامر على ما تريده
أمرك وأنا له مطيع
انت الحياة السعيدة
يا ورد فصل الربيع
جوري ونرجس وكادي
جرحي بقربك يطيب

يكفي وجودك

يكفـي وجـودك يـا حبيبـي عـن النـاس 

والنـاس مـا تكفـي ابـد عـن وجـودك

يكفينـي انـك مالـك(ن) عرش الإحساس 

وان الـورود اللـي فـي قلبـي ورودك

غـادرت لكـن الأحاسيـس حـراس 

تحرسـك فـي قلبـي ولـا حـد(ن) يـرودك

وان جـارت صـروف المقاديـر لـا بـاس

ادري بأنـك وافـي(ن) فـي وعـودك

لكـن يبقـى غصـن الأشـواق ميـاس

علـى فـرات الحـب يقهـر حسـودك

يـا هاجـس(ن) يدخـل علـى كـل هوجـاس 

واغلـب مطاليـع الشعـر مـن خـدودك

يـا ريـم فـي روضـة الحـب مكنـاس 

عايـش أميـر(ن) والمحبـه تسـودك

والسـر عـودك مـع هـوى كـل نسنـاس 

أكيـد نسنـاس الهـوى حـب عـودك

والـورد لـي عايـش علـى بـرد الأنفـاس 

غطـى ولـا غطـى جواهـر عقـودك

حسنـك حبيبـي صعـب يوصـف وينقـاس

تبغـي الصراحـة زاد بـ الزيـن زودك

أغلى الناس

ان زعلت برضيك وكل عمري فداك 

و الزعل مزعله يالغالي عليك

لو تامر بروحي بتنقاد لرضاك 

ولو تطلب عيوني في لحظة تجيك

انت اغلى الناس و من لي في غلاك 

وانت نبض القلب ملكه في ايديك

مثل قلبك صافي الحب في جداك 

و في الغلا والحب ابد مالك شريك

ميزك ربي من الناس و عطاك 

ميزة و تخص ذاتك و تعنيك

لك وصوف نادره دايم معاك 

دايم محبوب وناسك تهتويك

كم حسود وده يكدر سماك 

في ذمتي والله انا معتاظ فيك

انت مثل الجوهر الصافي صفاك

تنذكر بالخير اذا حد طريك

وصلوله خبر عني

وصلوله خبر عني بغيابه كثر وني
كولوله اذا يحبني يرجع كافي مليت
مجروح اني يالغالي يمتى اشوفك اكبالي
ارجع مو خذت بالي مو والله جنيت
حياتي ظلمه صارت ياعمري والله دموعي تجري
درى بيه المايدري ارجع اني حنيت
محتاجك تجي بقربي رجعلي نبض قلبي
ميت اني ياحبي من يوم الي ماجيت

ردليه انا احتاجك بس حسسني على اشواقك
ما اكدر على فراقك تعال وردلي الإحساس
احب غيرك منو كلك احب غيرك رايح وين تفكيرك
حبيبي شو فيكي وشو خيرك انت الدنيا والناس
مشاكل فراكك سوى مشاكل والحزن بيه ياكل
وين قلبي وش شايل هموم الدنيا على الراس
كل همها روحي انت كل همها تجري انت في دمها
ابي بأنفاسك تشمها مو والله مليت

ميت شوقي ياخلي وينك انت ارجعلي
راسي مايضل بعقلي مو طولت الفراك
مشتاق احلامي ترد يمي حظني وتمشي ويا دمي
صوتك من تصح بإسمي تحرق بيه الأشواق
كل همي ترد ليه تسأل عني وشنو بيه
محتاج اني حنيه جمر الفركه حراق
كل ناسي انت كل ناسي عايش فيني احساسي
خلينه بكل شعر راسي اويلي شسوى الفراق

ياسارقن قلبي

ياسارقن قلبي ووقتي سارقه

الروح تبعث لك احر اشواقي

طيفك حبيبي لا حشى ما افارقه

يسري مع دمي الى خفاقي

ياحظ روحن في ودادك غارقه 

تشتاق لك تشتاق لك تشتاقي

غلاك يانع في الغصون الوارقه

متربع متشبع فعماقي

لو يحترق قلبي وانته حارقه

ارجوك زيد الحب ياحراقي

نورك على قلبي تشعشع بارقه

يابو جبين يشبه البراقي

يسعد صباحن فيه شمسك سارقه

شمسي الغلا في حزة المشراقي

باب الغلا محد غيرك طارقه

لانك رفيع بمستواك الراقي